Mar chuid dá tiomantas dearbhaithe d’fhorbairt luchtanna féachana tá Fís Éireann ag seoladh an dara leagan den Ciste Forbartha Luchta Féachana le luchtanna féachana nua a chruthú do scannáin, do bheochan agus do chláir fhaisnéise na hÉireann.
Aidhmeanna an chiste seo
- Lucht féachana níos mó agus níos éagsúla a thógáil do scannáin, do bheochan agus do chláir fhaisnéise neamhspleácha na hÉireann
- Rochtain d’abhar éagsúil a fheabhsú
- Caidreamh a bhunú le luchtanna féachana atá níos óige
- Cultúr comhaimseartha na hÉireann a léiriú
- Freastal ar an phictiúrlann a chur chun cinn i measc réimse leathan grúpaí socheacnamaíocha
- Aiseolas a bhailiú ó luchtanna féachana na hÉireann
- Úsáid a bhaint as gréasán cineama na hÉireann chun scannáin as Éirinn a chur chun cinn go díreach do luchtanna féachana
Is féidir le hiarrthóirí iad seo a leanas a chur san áireamh:
- Pictiúrlanna ar le hÉireannaigh iad nó sraitheanna pictiúrlann
- Comhlachtaí dáilte nah Éireann
- Ardáin ábhar de chuid na hÉireann
- Comhlachtaí margaíochta de chuid na meán Éireannach
- Saineolaithe taighde ar an lucht féachana
- Féilte de chuid na hÉireann nó grúpaí féilte
- Ionaid Thaispeántais a bhfuil luchtanna féachana cultúrtha leathana acu
- Grúpaí for-rochtana a bhfuil béim ar leith acu ar luchtanna féachana scannánaíochta
D’fhéadfadh iad seo a leanas bheith i measc na ngníomhaíochtaí:
- Ag cruthú imeachtaí scannán nua uaillmhianacha a mheallfaidh luchtanna féachana chuig scannáin na hÉireann
- Ag tógáil tionscnaíochtaí forbartha luchtanna féachana
- Ag méadú luchtanna féachana atá ag féilte scannáin na hÉireann do scannáin de chuid na hÉireann
- Ag coimisiúnú taighde ar luchtanna féachana in Éirinn
- Ag tástáil éifeachtacht agus tionchar na bhfeachtas margaíochta do scannáin Éireannacha ina áireofar modhanna bolscaireachta atá nua agus nuálach
- Ag forbairt múnla for-rochtana píolóta do scoileanna
- Ag cruthú feachtais faoi choim sonraí ag baint úsáid as ábhar Éireannach
- Tionscadail a thástáil le lucht féachana ag céim fhorbartha scripte
- Pobalbhreitheanna a eagrú ar ábhar Éireannach
- Cláir do Scannáin Éireannacha ar camchuairt
- Tionscnaíochtaí le failleanna rochtana a chruthú do luchtanna féachana atá faoi mhíchumas
- Tionscnaíochtaí bolscaireachta ag nascadh tallann scáileáin chruthaitheach na hÉireann le luchtanna féachana
Gnéithe Cistithe
Bronnann an Scéim Chistithe Fhorbartha Lucht Féachana maoiniú faoi thrí ghné.
- Gné 1 – Suas le huasmhéid €40,000 do pháirtithe leasmhara chun tionscnaíocht fhorbartha luchta féachana mhórscála ardchaighdeáin a chur ar fáil le torthaí intomhaiste thar thréimhse 12 mhí.
- Gné 2 – Suas le huasmhéid €25,000 do pháirtithe leasmhara chun le sraith gníomhaíochtaí forbartha luchta féachana a fhorbairt agus a chur ar fáil gur dóiche go mbeadh tionchair shuntasacha acu ar luchtanna féachana na hÉireann.
- Gné 3 – Suas le huasmhéid €10,000 atá ar fáil ag iarrthóirí a bheidh dírithe ar sheachadadh phlean fhorbartha luchta féachana a bheidh níos spriocdhírithe, b’fhéidir dírithe go sonrach ar dhul i bhfeidhm ar ghrúpaí nideoige nó ar luchtanna féachana nach bhfuil freastal ceart á ndéanamh orthu.
Conas mar a mheasfar iarratais?
Measfar iarratais de réir na gcritéar a leanas agus dámhfar marc as 1-10 do gach cuid. Is iad 50 iomlán na marcanna atá ar fáil do thionscadal.
- Nuálaíocht phlean a mheallfaidh luchtanna féachana amach do scannáin neamhspleácha na hÉireann a mbeidh ráiteas ar ilchineálacht, chothromas, chuimsiú agus inbhuanaitheacht san áireamh. (10 marc)
- Costas agus luach na gníomhaíochta. (10 marc)
- Cé chomh réalaíoch agus indéanta agus atá an moladh atá leagtha amach. (10 marc)
- Cé chomh maith is atá na pleananna margaíochta agus poiblíochta. (10 marc)
- Taithí ábhartha an iarrthóra maidir leis an imeacht/ghníomhaíocht a mholtar. (10 marc)
Nótaí Tábhachtacha ar Iarratais:
- Ní mór d’iarrthóirí cistiú dúbhailte a sheachaint e.g. má tá féile nó comhlacht dáilte ag fáil cistiú ó Fís Éireann faoi scéim thacaíochta eile caithfidh siad a dheimhniú nach bhfuil siad ag cur isteach don rud/imeacht/ghníomhaíocht chéanna faoi dhó.
- Má tá féilte ag fáil cistiú ó Fís Éireann le haghaidh féile móire níl cead acu cur isteach ar chistiú dá bpríomhfhéile.
- Ní dheartar an ciste seo chun caiteachas atá ann cheana a mhaoiniú, ina áit sin tá sé ann le gníomhaíocht nua a éascú sa bhreis ar ghnáthghnó an iarrthóra.
- Tabhair do d’aire le do thoil gur ciste iomaíochta é seo agus nach ndeimhníonn aon chistiú faoin Ciste Forbartha Luchta Féachana roimhe seo cistiú breise ar bith faoin bhabhta seo.
- Níl costais a bhaineann le leithéidí infreastruchtúr agus forchostais reatha comhlachta incháilithe.
- Nuair a chríochnófar a ngníomhaíochtaí beidh ar iarrthóirí rathúla tuairisc mhionsonraithe a chur ar fáil ina áireofar luacháil ar a ngníomhaíochtaí in aghaidh a mbunspriocanna mar aon le tuairisc chostas fhaofa.
An Dóigh le hIarratas a Chur Isteach
Caithfidh iarrthóirí iarratais a dhéanamh le plean soiléir mionsonraithe don togra nó do na gníomhaíochtaí a mholfar chun tairbhe a bhaint as an chiste seo. Ní mór do na rudaí a leanas a bheith san áireamh mar chuid den iarratas:
- Buiséad a bhfuil lánchostáil déanta air do na gníomhaíochtaí molta
- Dea-theist iarrthóirí – ag tabhairt achoimre ar thaithí ábhartha
- Achoimre ar ghníomhaíochtaí, a dtréithe nuálaíochta agus an chaoi a gcúnóidh siad chun luchtanna féachana nua agus ilchineálacha a cheangal le scannánaíocht na hÉireann
- Pleananna margaíochta & poiblíochta leis an togra/na gníomhaíochtaí a chur chun cinn
- Amlíne molta leis an togra a chomhlíonadh ón leagan amach go dtí an seachadadh
- • Gealltanas scríofa maidir le hilchineálacht, ionchuimsiú, comhionannas agus inbhuanaitheacht de. Ba chóir don ghealltanas a bheith bainteach leis an ghníomhaíocht atá molta agus ba chóir ráiteas comhlachta ar na gealltanais seo a chur ar fáil freisin.
Spriocdháta le haghaidh iarratas: 13 Deireadh Fómhair 2025 ar 1.00 i.n.
Do cheist ar bith gabh i dteagmháil, más é do thoil é, le audiencedevelopmentfund@screenireland.ie.