News

Tá ríméad ar Bord Scannan na hEireann gur cuireadh tús le Scannánaíocht ar an Scannán ‘BÓICANA’ (nó ‘KINGS’ i mBéarla)

Tá ríméad ar Bord Scannan na hEireann gur cuireadh tús le Scannánaíocht ar an Scannán ‘BÓICANA’ (nó ‘KINGS’ i mBéarla) i mBéal Feirste, 24ú Meán Fómhair. Insíonn an Scannán seo scéal ghrúpa imirceach Éireannaí a thagann le chéile le freastal ar shochraid á gcara. Beidh an t-aisteoir Colm Meaney, a bhfuil cáil idirnáisiúnta air, le feiceáil sa Scannán mar aon le haisteoirí mór le rá ar nós Donal O’Kelly, Brendan Conroy, Donncha Crowley, Barry Barnes agus Seán Ó Tarpaigh.

Nuair a d’fhág an grúpa cairde a dtír dhúchais sna seachtóidí, gheall siad go bhfillidís ar Éireann níos déanaí agus flúirse agus cónach bainte amach acu. 25 bliain níos déanaí, níl ach duine amháin acu ag filleadh ar Éireann. Ach is de bhrí go bhfuarthas a chorp ar líne traenach atá sé ag filleadh in ionad a bheith ag filleadh lena rathúlacht a cheiliúradh. Caithfidh a chairde dul i ngleic leis an bhféidearthacht chuir a chara lámh ina bhás féin agus nach de bharr timpiste gur cailleadh é.

Rinne an stiúrthóir Tom Collins (Bogwoman, Dead Long Enough & Teenage Kicks - The Undertones) an script don Scannán seo a athchóiriú ó dhráma bunaidh an scríbhneora Jimmy Murphy, a raibh “The Kings of the Kilburn High Road” mar theideal air. ‘Sé an léiritheoir scannáin ná Jackie Larkin agus oibreoidh an Sasanach Micheal Casey mar chomh-léiritheoir ar an Scannán.

Scannán dátheangach is é ‘Boicíní, a léireofar in Éirinn agus a fuair a mhaoiniú iomlán ar oileán na hÉireann (idir an Phoblacht agus Tuaisceart na hÉireann). Fuarthas maoiniú suntasach ó Bhord Scannán na hÉireann, Coimisiún Craolacháin an hÉireann, TG4, an Coimisiún Scannán agus Teilifíse Thuaisceart Éireann agus an Ciste Craoltóireachta Gaeilge. Léiríonn líon na maoinitheoirí go bhfuil tacaíocht agus urraíocht ar fáil do dhéantús Scannán trí mheán na Gaeilge ar an oileán.

Leanfaidh an Scannánaíocht ar aghaidh ar feadh cúig seachtainí i mBéal Feirste, Baile Átha Cliath agus in Londain.

• stiúrthóir grianghrafadóireachta: PJ Dillon
• dearthóir léiriúcháin: David Craig
• dearthóir feistis: Maggie Donnelly
• maor gruaige/smidiú: Pamela Smyth